വിഷ്ണു എന്നാൽ വ്യാപിച്ചിരിക്കുന്നവൻ… വ്യാപിക്കാൻ കഴിയുന്നത് ശക്തിക്കാണ്.. ശക്തിക്ക് മാത്രമായി ഒരു നിലനിൽപ്പില്ല..ശക്തിയോടൊപ്പം ശിവനുമുണ്ടാകും.. ഇനി മായയുടെ അർത്ഥം നോക്കിയാൽ പ്രകൃതി, കാളി എന്നൊക്കെ അർത്ഥം വരും.. അതായത് വിഷ്ണുമായ എന്നത് ആദിമ മനുഷ്യൻ ആരാധിച്ചിരുന്ന മൂർത്തിയാണ്..

വിഷ്ണുമായയെ മറ്റൊരു തരത്തിൽ പറഞ്ഞാൽ അർദ്ധനാരീശ്വരനായും ശങ്കരനാരായണനായും കണക്കാക്കാം..

വിഷ്ണുമായയെ ശ്രീ വിഷ്ണുമായ എന്നേ പറയാറുള്ളൂ.. ശ്രീ എന്നത് ലക്ഷ്മി… ലക്ഷ്മി ഉള്ളിടത്ത് വിഷ്ണു ഉണ്ട് .. മായ എന്നുവച്ചാൽ കാളി, പ്രകൃതി എന്നൊക്കെ പറയാം… പ്രകൃതി ആയതു കൊണ്ട് രൂപമില്ല .. കാളി ഉള്ളിടത്ത് ശിവനും ഉണ്ടാകും.. വിഷ്ണുമായയെ ചാത്തൻ എന്നും വിളിക്കാറുണ്ട്.. ചാത്തൻ എന്നാൽ ശാസ്താവ്… ശാസ്താവ് എന്ന് വച്ചാൽ ശാസിക്കുന്നവൻ അതായത് ഗുരു..

എല്ലാവർക്കും മഹാഗുരു ദത്താത്രേയന്റെ അനുഗ്രഹം ഉണ്ടാകട്ടെ…

സർവ്വം ശ്രീ ദത്താർപ്പണമസ്തു..

നാശത്തിൽ നിന്നും രക്ഷിക്കുന്നത് എന്തോ അത് ക്ഷേത്രം. ക്ഷേത്രദർശനം സത്യത്തിൽ പഞ്ചേന്ദ്രിയങ്ങളെ ഉണർത്താൻ വേണ്ടി ആണ്..വിധിപ്രകാരം ക്ഷേത്രദർശനം നടത്തിയാൽ അത് ഒരു തരത്തിൽ സെൽഫ് ഹിപ്നോസിസ് ആകും..

മാന്ത്രികത്തിൽ മനുഷ്യരെ ബാധിക്കുന്ന ബാധാദോഷങ്ങളെ മൂന്നായി തരം തിരിച്ചിട്ടുണ്ട് .
1) ഹന്തുകാമൻ
2) രന്തുകാമാൻ
3) ഭോക്തുകാമൻ
രമിക്കണം എന്ന് ആഗ്രഹിക്കുന്നവർ രന്തുകാമന്മാരും ബലി കിട്ടണമെന്ന് ആഗ്രഹിക്കുന്നവർ ഭോക്തുകാമന്മാരും കൊല്ലണം എന്ന് ആഗ്രഹിക്കുന്നവർ ഹന്തുകാന്മാരുമാണ് . മൂന്നായി തരം തിരിച്ചിരിക്കുന്ന ബാധകളെ പല പേരുകളിലാണ് അറിയപ്പെടുന്നത്. ഇതിൽ 18 എണ്ണം ശക്തികൂടിയതും മഹാബാധകളും ആണ് ബാക്കിയുള്ള 9 എണ്ണം ശക്തികുറഞ്ഞ ലഘുബാധകളുമാകുന്നു.

മഹാബാധകൾ :

1) അമരൻ
2) അസുരൻ
3) നാഗൻ
4) യക്ഷൻ
5) ഗന്ധർവൻ
6) രാക്ഷസൻ
7) ഹേഡ്രൻ
8) കശ്മൻമാർ
9) നിസ്തേജന്മാർ
10) ഭസ്മകൻ
11) പിതൃകകൾ
12) കുശവൻമാർ
13) വിനാകൻമാർ
14) പ്രലാപൻമാർ
15) പിശാചുക്കുൾ
16) അന്ത്യജൻമാർ
17) യോനിജൻമാർ
18) ഭൂതൻമാർ

ലഘു ബാധകൾ :

1) അപസ്മാരം
2) ബ്രാഹ്മണൻ
3) ബ്രഹ്മരാക്ഷസ്സൻ
4) ക്ഷത്രിയൻ
5) വൈശ്യൻ
6) ശൂദ്രൻ
7) നീചൻ
8) ചണ്ഡാലൻ
9) വ്യന്തരൻ

ഇത് കൂടാതെ ബാധ , മഹാബാധ, അണുബാധ ഇങ്ങനെയും ഉണ്ട്…ഇതിൽ അണു ബാധ എന്ന വിഭാഗത്തിൽ പെടുന്നതാണ് സ്‌കിസൊഫ്രീനിയ
ബാധകൾ 3 വിധം..രന്തുകാമൻ (രമിക്കണം എന്ന് ആഗ്രഹിക്കുന്നവർ), ഭോക്തുകാമൻ (ബലി കിട്ടണമെന്ന് ആഗ്രഹിക്കുന്നവർ), ഹന്തുകാമൻ (കൊല്ലണം എന്ന് ആഗ്രഹിക്കുന്നവർ). ഇവയെ വീണ്ടും അവയുടെ ശക്തിയുടെ അടിസ്ഥാനത്തിൽ നാലായി തരം തിരിച്ചിരിക്കുന്നു..1) മഹാബാധ, 2) ലഘുബാധ, 3) അണുബാധ, 4) ഡ്യൂപ്ലിക്കേറ്റ് ബാധ..മഹാബാധകൾ 18 വിധത്തിലും ലഘു ബാധകൾ 9 വിധത്തിലും ഉണ്ട്..ഇതിൽ അണുബാധയെ ആണ് ആധുനിക ശാസ്ത്രം സ്‌കിസൊഫ്രീനിയ എന്ന ഓമനപേരിട്ട് വിളിക്കുന്നത്..ഡ്യൂപ്ലിക്കേറ്റ് ബാധയാണ് സത്യത്തിൽ ചില ഹിപ്നോട്ടിസം ക്ലാസുകളിൽ വീഡിയോ ആയി ഇടുന്നത്..

ദേവത, മനുഷ്യൻ, ഈശ്വരൻ = ജലം, ഐസ്, വായു

ദേവത ഏത് രൂപം കല്പിക്കുന്നുവോ ആ സ്വഭാവം, രൂപം, ഗുണം ഇവ ലഭിക്കുന്നു . അതായത് ജലത്തെ പോലെ

മനുഷ്യൻ ശരീരബോധത്താൽ ബന്ധിതം അതായത് ഐസ് പോലെ. ഉപാസനാ ശക്തിയാൽ ചൂടാക്കിയാൽ ശരീര ബോധം നഷ്ടപ്പെട്ട് ദേവതയും ശേഷം വീണ്ടും ചൂടാക്കിയാൽ ഈശ്വരത്വവും ലഭിക്കും

ഈശ്വരൻ എന്നത് സർവ്വവ്യാപിയും ശുദ്ധാശുദ്ധിക്കും ജാതി, മത, വർണ്ണവ്യവസ്ഥക്കും അതീതമാണ്. വായുവിനെ പോലെ

ആഗ്രഹങ്ങളെയും (മണ്ണ്, പെണ്ണ്, പണം, സ്വർണ്ണം തുടങ്ങിയവ) വികാരങ്ങളെയും (കാമം, ദേഷ്യം തുടങ്ങിയവ) കടിച്ചമർത്താടാതിരിക്കുക…ചിന്തകളില്ലാതെ അനുഭവിക്കുക…സദാ ബ്രഹ്മചാരി (സ്ത്രീയോട് ചേർന്നിരിക്കുന്നവനാണ് ബ്രഹ്മചാരി..സ്ത്രീ എന്നതിന് ബാഹ്യ സ്ത്രീ എന്നും കാളി അഥവാ മായ എന്നും ആന്തരിക സ്ത്രീ എന്നും പ്രകൃതി എന്നും അർത്ഥമുണ്ട്. ) ആയിരിക്കുക… ഒന്നിനും അടിമ ആകാതിരിക്കുക… കടമകൾ മാത്രം ചെയ്യുക… ഞാൻ, എന്റെ, എനിക്ക് എന്ന അഹംഭാവം ഇല്ലാതിരിക്കുക….എന്നാൽ ഞാൻ എന്ന അഹംബോധം ഉണ്ടാവുകയും വേണം…

സാധനകളിൽ ഏറ്റവും ശ്രേഷ്ഠം sex ആണ്.. പക്ഷേ അത് അറിയുന്നവർ ചെയ്യണം.. ശിവശക്തി ഐക്യം ആണ് sex കൊണ്ട് ഉദേശിക്കുന്നത്.. സാധാരണക്കാർ ഒരു കാരണവശാലും തന്നെക്കാൾ പ്രായത്തിൽ മൂത്ത സ്ത്രീകളുകളുമായി sex ചെയ്യരുത്.. എന്നാൽ ഒരു ബാഹ്യ ക്ഷേത്രാതീത താന്ത്രിക സാധകന് അഥവാ ശുദ്ധ താന്ത്രികന് കാലം ഇല്ലാത്തത് കൊണ്ട് തന്നെ അവർക്ക് ആരുമായും sex ചെയ്യാം അതിൽ തെറ്റില്ല..എങ്കിലും ബാഹ്യ ക്ഷേത്രാതീത താന്ത്രിക സാധകൻ ഭൈരവി ലക്ഷണ – ഗുണമുള്ള സ്ത്രീയോട് മാത്രമേ അത് ചെയ്യൂ..ഇവരുടെ സംഭോഗത്തിൽ ഉണ്ടാകുന്ന രതിമൂർച്ച ആഴ്ചകളോളം നിലനിൽക്കും..

എന്താണ് ബാഹ്യക്ഷേത്രാതീത തന്ത്രം?
വാമം, മിശ്രം, സമയം, ശ്രീവിദ്യ, അഘോരം അഥവാ ശൈവം, സിദ്ധം, കൗളം തുടങ്ങിയവ

സ്ത്രീകളെ ബഹുമാനിക്കാത്തവർ എന്ത് സാധന ചെയ്തിട്ടും ഒരു ഫലമില്ല… വേശ്യയിലും ആദിശക്തിയെ കാണും ഒരു നല്ല സാധകൻ… സ്ത്രീയോളം ബലമുള്ള മറ്റൊരു ശക്തി ഇല്ല… സ്ത്രീ ഇല്ലെങ്കിൽ പുരുഷന് നിലനിൽപ്പുമില്ല..

പ്രധമ – ലഘു വാരാഹി
ദ്വതീയ – സ്വപ്ന വാരാഹി
ത്രിതിയ – തിരസ്കരണി
ചതുർത്ഥി – ധൂമ്ര വാരാഹി
പഞ്ചമി – വാർത്താളി
ഷഷ്ഠി – വശ്യ വാരാഹി
സപ്തമി- കിരാത വാരാഹി
അഷ്ടമി – അസ്ത്ര വാരാഹി’
നവമി – മഹാ വാരാഹി

ഇതിൽ പ്രഥമ മുതൽ അഷ്ടമി വരെ ഉള്ള വാരാഹി കല ഒന്നിക്കുമ്പോൾ ആകുന്നു മഹാ വാരാഹി സ്വരൂപം

മഹാ വാരാഹി ദേവി

തന്ത്ര ശാസ്ത്രത്തിൽ വളരെ പ്രാധാന്യമുള്ള ശാക്ത ദർശനത്തിൽ ദേവി ആദി പരാശക്തിയുടെ വിഭിന്ന രൂപങ്ങളുടെ ആരാധനാ ക്രമങ്ങളും ഉപാസനാ രീതികളും പ്രദിപാദിച്ചിട്ടുണ്ട് അതിൽ ശ്രീ കുലം കാളി കുലം എന്ന രണ്ട് വർഗ്ഗീകരണമുണ്ട് ദക്ഷിണം വാമം എന്ന രണ്ട് മാർഗ്ഗഭേദവുമുണ്ട് ഇതിൽ ശ്രീ കുലം ദേവി ലളിതാ പരമേശ്വരി അധിഷ്ഠിതമാണ് കാളി കുലം കാളി ദേവി അധിഷ്ഠിതമാണ് ഇതിൽ ശ്രീ കുലത്തിൽ പരമോന്നത ദേവികളിൽ ഒന്നാണ് മഹാ വാരാഹി, കാളി കുലത്തിൽ അഷ്ടമാതൃകകളിൽ ഒന്നായി ആവരണ പൂജയായി ദേവിവരും, കൂടാതെ വജ്രയാനത്തിൽ വജ്ര വാരാഹിയായി ദേവിക്ക് സ്ഥാനമുണ്ട്,

ദേവി ഈ ബ്രഹ്മാണ്ഡത്തിൻ്റെ രക്ഷാ നായികയാകുന്നു ലളിതാ മഹാ ത്രിപുര സുന്ദരിയുടെ ശക്തി സേനയുടെ സേനാ നായികയാകുന്നു, ദേവി കിരി ചക്രത്തിൽ ആരൂഢയായി ദുഷ്ട നിഗ്രഹവും ജഗത് പരിപാലനവും നടത്തുന്നു ,ദേവിയുടെ ഭൈരവൻ ഉന്മത്ത ഭൈരവനാകുന്നു, ദക്ഷിണാ മ്നായ മഹാ വിദ്യയാകുന്നു വാരാഹി, ദേവിയുടെ അംഗ വിദ്യകളായി ലഘു വാരാഹി ( ഉന്മത്ത വാരാഹി) സ്വപ്ന വാരാഹി, തിരസ്കരണി എന്നിവരാകുന്നു,

ദേവി വാരാഹി വിശുക്രൻ എന്ന ദൈത്യനെ വധിച്ച് ഭണ്ഡാസുര യുദ്ധ ത്തിൽ വളരെ പ്രധാനപ്പെട്ട പങ്കു വഹിച്ചു

ദേവിയുടെ മുഖം വരാഹത്തിന്റെ ആകുന്നു (പന്നിമുഖി, സൂകര മുഖം ).ആ മുഖത്തിൽ ഭു വാരാഹി രൂപത്തിൽ ദേവി ഈ ഭൂമിയെ തന്നെ ധരിക്കുന്നു.
ദേവിയുടെ മുഖ്യ ആയുധം ഹലവും, മുസലവുമാകുന്നു.
ഇവ ഭൂമിയുമായി ബന്ധപ്പെട്ട ആയുധമാകുന്നു ഈ ആയുധങ്ങൾ കൃഷിക്കായി ഉപയോഗിക്കുന്നു ഹലം ഭൂമി ഉഴുതു മറിക്കാനും വിത്തു പാകാനായി വഴി തെളിയിക്കാനും ഉപയോഗിക്കും, മുസലം അധവാ ഉലക്ക ഇടിച്ചുറപ്പിക്കാനും ഉപയോഗിക്കുന്നു ഇതിനു ആന്തരികമായ തത്ത്വമുണ്ട് വാരാഹി കുണ്ഡലിനി ശക്തിയാണ് ദേവിയുടെ ഹലം എന്ന ആയുധം കുണ്ഡലിനി ഉണർന്ന് നാഡിയിൽ ഉണ്ടാകുന്ന പ്രതിബന്ധങ്ങളെ അകറ്റി സഹസ്രാരത്തിലേക്കുള്ള വഴി തെളിയിക്കും” വാരാഹി മന്ത്രത്തിലുള്ള “O” കാരം ഹല ശക്തിയാകുന്നു
മുസലം ( ഉലക്ക ) ഉറങ്ങി കിടക്കുന്ന കുണ്ഡലിനി സർപ്പത്തെ ഉണർത്തും ,ഇവിടെ വാരാഹി മന്ത്രത്തിലുള്ള ” ഹും “കാരം മുസല ശക്തിയാകുന്നു ,

ദേവിയുടെ മന്ത്രത്തിൽ ഉള്ള നാലു” ഠ ” കാരം ബ്രഹ്മ ,വിഷ്ണു, രുദ്ര, ഗ്രന്ഥിയേയും ഭേദിച്ച് ബ്രഹ്മകപാല ഭേദനം നടത്തി ആത്മ ശക്തിയെ പരമപദമേകുന്നു, മന്ത്രത്തിലുള്ള “ഗ്ലൗം” എന്ന ബീജം ഭൂമി തത്ത്വമാകുന്നു ഇത് കുണ്ഡലിനി ബീജവുമാകുന്നു

വാരാഹി ദേവി അതി ഗുപ്തമായ ശക്തി വിശേഷമാകുന്നു.
അനാഹത നാദം ശ്രവിച്ച് അഥവാ ഹൃദയ സ്പന്ദം ശ്രവിച്ചു തുരീയ യാമത്തിൽ ഈ മന്ത്രം സാധന ചെയ്യാൻ വിധി ഉള്ളൂ ഇതിൽ നിന്നും മനസ്സിലാക്കുക എത്ര മാത്രം എകാഗ്രത വേണം ഈ സാധനയ്ക്കു, ഗ്രന്ഥി ഭേദനം നടക്കുമ്പോൾ ചെറിയ ശ്രദ്ധക്കുറവു പോലും ചിത്തഭ്രമത്തിന് കാരണമാകും,

ന ദിവാ സ്മരേത് വാർത്താളി അതായത് പകൽ വാരാഹി ദേവിയെ സ്മരിക്ക പോലും അരുത് എന്നാണ് (എനിക്ക് ഇതുവരെ പകൽ സ്മരിച്ചത് കൊണ്ട് ദോഷം ഒന്നും ഉണ്ടായിട്ടില്ല)
അത് കൊണ്ട് തന്നെ സ്തിതപ്രജ്ഞനും പക്വതയും ഉള്ള വ്യക്തിക്ക് ഗുരു നേതൃത്വത്തിൽ വേണം ഈ ഉപാസന ചെയ്യാൻ
ഈ സാധന കൊണ്ട് ഒരുപാട് ഗുപ്ത ശക്തികൾ ഉണരും.
അത് കൊണ്ട് ഗുരു പാദുക ,സമ്പ്രദായ പാദുക എന്നിവ ഇല്ലാതെ ഈ ശക്തിയെ നിയന്ത്രിക്കാനാകില്ല

അതിന് കാരണം വാരാഹി ദേവിയുടെ കൂടെ എഴ് ആധാര ശക്തികളാകുന്ന ഡാകിനി, തൊട്ട് യാക്കിനി വരെ സാധകൻ്റെ ശത്രുനാശത്തിനായി ഉണരും. അപ്പോൾ ശ്രദ്ധിക്കാത്ത പക്ഷം സ്വനാശം തന്നെ സംഭവിക്കും

വാരാഹി യന്ത്രത്തിൽ മുപ്പത്തിമുക്കോടി ദേവതകൾ ആവരണമാകുന്നു അത് കൊണ്ട് തന്നെ ബ്രഹ്മാണ്ഡ സഞ്ചാലന ശക്തി ആകുന്നു വാരാഹി.

വാരാഹി ദേവിയുടെ വേറെ ഒരു നാമം പഞ്ചമി എന്നാകുന്നു അതിന് കാരണം ദേവിയുടെ പൂർണ്ണത കൈവരണമെങ്കിൽ ഈ പഞ്ച ശക്തി ഒന്നിക്കണം.

അന്ധിനി
രുന്ധിനി
ജംഭിനി
മോഹിനി
സ്തംഭിനി

ശ്രീ വിദ്യാ പ്രകാരം ദേവിയുടെ സ്ഥാനം ആജ്ഞാ ചക്രത്തിലാകുന്നു.ഇവിടെ ദേവി ഭൂ വാരാഹി, സ്വപ്ന വാരാഹി, തിരസ്കരിണി ദേവി എന്നിവയായി വിരാജിക്കുന്നു

സകല ശരീരത്തിന്റെ പ്രവർത്തനം ദേവി തന്റെ ആജ്ഞാ ശക്തി കൊണ്ട് ആജ്ഞാ ചക്രത്തിലിരുന്ന് നിയന്ത്രണം ചെയ്യുന്നു

ദേവിയുടെ മറ്റൊരു നാമം വാർത്താളി എന്നാകുന്നു.
ദേവി സകല ബ്രഹ്മാണ്ഡ വാർത്തകളുടെ സ്രോതസ്സ് ആകുന്നു. ”ഐം ” അഥവാ ജ്ഞാന ബീജം മന്ത്രത്തിൽ വാർത്താളി ബീജമാകുന്നു,കൂടാതെ ദേവി ഈ ബ്രഹ്മാണ്ഡത്തിന്റെ ഗുരുത്വാകർഷണ ശക്തി കൂടി ആകുന്നു.

വാരാഹി ദേവിക്ക് അനേകം രൂപ ഭേദങ്ങൾ ഉണ്ട് തന്ത്രത്തിലും, ശാബരത്തിലും.
മുഖ്യമായി മഹാ വാരാഹി ആകുന്നു മൂല സ്വരൂപം.
ഇവിടെ ദേവിഅഷ്ട ഭുജയായി വിരാജിക്കുന്നു.
ദണ്ഡിനി എന്നും ഈ രൂപത്തെ അറിയപ്പെടും ,ഈ രൂപം തന്നെ ആകുന്നു ശ്രീ വിദ്യ ക്രമത്തിൽ ആരാധന ചെയ്യുന്ന വാരാഹി രൂപം.
ഈ രൂപത്തിൽ നിന്നാകുന്നു മറ്റു വാരാഹി രൂപങ്ങൾ ആവിർഭവിച്ചത്

തന്ത്രപ്രകാരം ഒട്ടനവധി രൂപാന്തരമുണ്ട്-

സ്വപ്ന വാരാഹി
മഹിഷാരൂഢ വാരാഹി
ആദി വാരാഹി
സിംഹാരൂഢ വാരാഹി
അശ്വാരൂഢ വാരാഹി
ഉന്മത്ത വാരാഹി
ലഘു വാരാഹി
വാർത്താളി
പഞ്ചമി
ധൂമ്ര വാരാഹി
മൃത്യു വാരാഹി
അസ്ത്ര വാരാഹി
വശ്യ വാരാഹി
കിരാത വാരാഹി
മഹാ വാരാഹി
വാരാഹി തന്ത്രം ഈ രൂപാന്തരങ്ങളുമായുള്ള ആരാധനയെപ്പറ്റിയാകുന്നു,

സപ്ത മാതൃകകളിൽ വാരാഹി യമ ശക്തിയായി നിൽക്കുന്നു എന്നാൽ മഹാ വാരാഹി രൂപത്തിൽ യമ മാതാവാകുന്നു, ദേവിയുടെ സാധന വാമം ദക്ഷിണം എന്ന രണ്ട് മാർഗ്ഗത്തിലും കൂടാതെ സംവര വിധാനത്തിലും പ്രചുര പ്രചാരം നേടിയതാണ് ,സംവരത്തിൽ പന്നി മുഖി എന്ന നാമത്തിൽ പൂജാ വിധാനമുണ്ട് ,ഒരു കാലത്ത് കേരളത്തിൽ വളരെ പ്രാധാന്യമുണ്ടായിരുന്ന വിദ്യ കൂടിയായിരുന്നു ഇത് എന്നാൽ കാലാന്തരത്തിൽ ലുപ്തമായി, ഇന്ന് പലർക്കും ശ്രീ കൃഷ്ണ പരുന്ത് എന്ന സിനിമ കണ്ടാണ് വാരാഹിയെ വിലയിരുത്തുന്നത് അതിൽ ചിത്രത്തിൻ്റെ രചയിതാവ് ദുർ മൂർത്തിയായി ആണ് ദേവിയെ ചിത്രീകരിച്ചത് ഇത്രയും വായിച്ചതിൽ നിന്ന് മനസ്സിലാക്കുക യക്ഷി വന്നാലോ ഗരുഢൻ വന്നാലോ ഓടുന്ന വിദ്യ അല്ല വാരാഹി വാരാഹി തന്ത്രത്തിൽ ഒരു സന്ദർഭത്തിൽ പറയുന്നുണ്ട് രാവണൻ്റെ സേനാപതി ശ്രീരാമ ലക്ഷ്മണന്മാരെ വധിക്കാൻ വാരാഹി പ്രയോഗം ചെയ്യുന്നുണ്ട് ആ സമയം അതറിഞ്ഞ് ആഞ്ജനേയൻ ദുർവ്വാസാ ഉപാസിത വാരാഹി മന്ത്രം കൊണ്ട് ഈ വിദ്യയെ നിർവീര്യമാക്കി ഇല്ലാത്ത പക്ഷം രാമായണത്തിൻ്റെ കഥ മറ്റൊന്നാകുമായിരുന്നു, ബലരാമൻ്റെ പ്രധാന ഉപാസന മൂർത്തി മഹാ വാരാഹി ആയിരുന്നു, ഭഗവാൻ പരശുരാമൻ 21 വട്ടം ക്ഷത്രിയ വംശ നാശം നടത്തിയതും ഇതേ വാർത്താളി വിദ്യ കൊണ്ടാണ്, വാരാഹി ഉണർന്നാൽ ശത്രുവിൻ്റെ കുലം മുച്ചൂടായി പോകും,

ദൈവം:
യാഗത്തില്‍ വച്ച് പിതാവ്, പുരോഹിതന് കന്യകയെ ദാനം ചെയുന്നു.

ആര്‍ഷം:
കന്യകയുടെ പിതാവ് വരന്റെ കയ്യില്‍ നിന്ന് ഒരു കാളയെയും പശുവിനെയും സ്വീകരിച്ചു നടത്തിക്കൊടുക്കുന്ന വിവാഹം.

പ്രാജാപത്യം:
കന്യകയെ തേടിവന്ന വരന് നിങ്ങള്‍ രണ്ടു പേരും ധര്‍മത്തിന് അനുസരിച്ച് ജീവിക്കുക എന്നനുഗ്രഹിച്ചു കന്യകാ ദാനം നടത്തിക്കൊടുക്കുന്നു.

ആസുരം:
കന്യകക്കും അവളുടെ ബന്ധുക്കള്‍ക്കും ധനം കൊടുത്ത് വിവാഹം കഴിക്കുന്നു.

ഗാന്ധര്‍വം:
വധൂവരന്മാര്‍ അന്യോന്യ പ്രേമം നിമിത്തം മാതാപിതാക്കന്മാരെയോ ബന്ധു മിത്രാദികളെയോ അറിയിക്കാതെയും വിവാഹ കര്‍മങ്ങള്‍ ഒന്നും നടത്താതെ പരസ്പര ധാരണയോടു കൂടി വിവാഹിതരാകുന്നു.

രാക്ഷസം :
വധുവിന്റെ ബന്ധുക്കളെ യുദ്ധത്തില്‍ തോല്പ്പിച്ചു വധുവിനെ അപഹരിച്ചു കൊണ്ട് പോകുന്നു.

പൈശാചം:
വധുവിനെ അവളുടെ സമ്മതം കൂടാതെ പിടിച്ചു കൊണ്ട് പോയി ഭാര്യയാക്കുന്നത് പൈശാചം.

ഇതില്‍ പൈശാചം ഏറ്റവും നികൃഷ്ടമാകുന്നു. എന്നാല്‍ പൈശാചം ആരും സ്വീകരിക്കരുതെന്നാണ് പ്രമാണവും.

യോനീ പൂജയുടെ ബലപാഠങ്ങളിൽ ഉള്ളതാണ് മേലുദ്ധരിച്ച ശ്ലോകം

യോനിയുടെ ദുർഗന്ധം ഇല്ലാതാക്കാനും രോമനാശനത്തിനും യോനിയെ ചുരുക്കാനും സ്ത്രീ ദ്രാവണത്തിനും സ്തന വലുപ്പത്തിനും സ്തനത്തിന്റെ ദൃഢതക്കും ലിംഗ വർധനവിനും ലിംഗ ബലത്തിനും ശുക്ല സ്തംഭനത്തിനും ഒക്കെ ഉള്ള മരുന്നും മന്ത്രവും ധ്യാനവും ചില പ്രത്യേക ഭക്ഷണ രീതികളും ഒക്കെ ചേർന്ന് വളരെ നിഗൂഢമായി ബാഹ്യ ക്ഷേത്രതീത താന്ത്രിക ഉപാസാകർ (സമയാചാരികളും ദക്ഷിണാചാരികളും ഒഴികെ ഉള്ളവർക്ക് മാത്രമേ ഇത് ബാഹ്യമായി ചെയ്യാൻ അനുവാദമുള്ളൂ.) മാത്രം ചെയ്യുന്ന ഉപാസനയാണ് ബാഹ്യ ഭൈരവി ഭൈരവ സാധനയും യോനീപൂജയും ഒക്കെ..പക്ഷെ ഇന്ന് ജ്യോതിഷന്മാരും മാന്ത്രികന്മാരും ബാഹ്യ ക്ഷേത്രതീത താന്ത്രികർ ആണെന്ന് സ്വയം അവകാശപ്പെടുന്ന ദക്ഷിണാചാരികളും ബാഹ്യ ക്ഷേത്രാതീത താന്ത്രികർ ആണെങ്കിലും ഒരു രീതിയിലും ബാഹ്യമായി ഒരു സ്ത്രീയുമായും ബാഹ്യ ക്ഷേത്രാതീത തന്ത്രത്തിന്റെ പേരും പറഞ്ഞ് ബാഹ്യ ഭൈരവി ഭൈരവ സാധന ചെയ്യാൻ വിധിയില്ലാത്ത സമയാചാരികളും ഇന്ന് സ്ത്രീകളെ കപട ഭൈരവി ഭൈരവ സാധനയുടെ പേരിൽ ഉപയോഗിക്കുന്നു എന്നത് വിരോധാഭാസം എന്നല്ലാതെ എന്ത് പറയാൻ..മാന്ത്രികരും ആയി ഭൈരവി ഭൈരവ സാധന ചെയ്‌താൽ മാന്ത്രികന് അപൂർവ്വ കഴിവുകൾ ലഭിക്കും എന്നല്ലാതെ സ്ത്രീക്ക് പ്രത്യേകിച്ച് ഒരു ഗുണവും ലഭിക്കില്ല…എന്നാൽ ബാഹ്യ ക്ഷേത്രാതീത താന്ത്രിക ഉപാസാനാ രീതിയിൽ ശാരീരിക ബന്ധത്തിൽ ഏർപ്പെടുന്നത് സാക്ഷാൽ ഭൈരവനും ഭൈരവിയും ആയത് കൊണ്ട് തന്നെ ഇവിടെ ഊർജ്ജം തുല്യമായി പങ്കുവെക്കപ്പെടുകയും ഇത്തരത്തിൽ ഉള്ള ലൈംഗിക ബന്ധവും ആ ലൈംഗിക ബന്ധതത്തിലെ അനുഭൂതിയും ദിവസങ്ങളോളമോ മാസങ്ങളോളമോ നിലനിൽക്കുകയും ചെയ്യും…അല്ലാതെ ഒരു പെണ്ണിനെ കയറി വെറുതെ ഭോഗിക്കുന്നതല്ല ഭൈരവി ഭൈരവ സാധന എന്നത്..ഒരാൾ ഭൈരവിയും ഭൈരവനും ആയിത്തീരുക എന്നത് വർഷങ്ങൾ നീണ്ടു നിൽക്കുന്ന ഉപാസനാ പദ്ധതിയാണ്…അല്ലെങ്കിൽ പൂർവ്വ ജന്മത്തിലെ ഉപാസനയുടെ തുടർച്ചയായി ഈ ജന്മത്തിൽ കാലയളവ് കുറയാം..പൂർവ്വ ജന്മം ആണെങ്കിൽ അത് തിരിച്ചറിയാൻ അനുഭവങ്ങൾ സാഹയിക്കും

കാമാഖ്യേ കാമ സമ്പന്നേ
കാമേശ്വരി ഹരിപ്രിയേ
കാമനം ദേഹി മേ നിത്യം
കാമേശ്വരി നമോസ്തുതേ
കാമാഖ്യേ വരദേ ദേവി
നീലപർവ്വത വാസിനി
ത്വാം ദേവി ജഗദംബാം താം
യോനി മുദ്രേ നമോസ്തുതേ

ഓം കാമാഖ്യേ നമഃ